breakingसमाचार

काँगे्रस साँसदले कोरोना रोकथाम नियन्त्रण र उपचारका लागि १५ दिनको तलब रकम दिने

विश्वभर महामारीको रुपमा फैलिएको कोरोना भाइरस (कोभिड १९) को रोकथाम, नियन्त्रण उपचारका लागि खडा गरेको कोषमा नेपाली कांग्रेसका सांसदहरुले १५ दिन बराबरको तलब रकम दिने भएको छ ।
 
कांग्रेसले आज विज्ञप्ति जारी गर्दै संघीय संसदमा प्रतिनिधित्व गर्ने सांसदहरुहरुका तर्फबाट १५ दिनको तलब बराबरको रकम दिने निर्णय गरेको हो । नेकपाका सांसदहरुले पनि कोषमा १५ दिनको तलब जम्मा गर्ने निर्णय गरिसकेका छन् । यस्तै संक्रमणलाई फैलन नदिन तथा सम्भावित जोखिमलाई मध्यनजर गर्दै सरकारले एक साताका लागि देशभर लकडाउन गर्ने निर्णयको पनि कांग्रेसले स्वागत गरेको छ ।
 
लकडाउनलाई पूर्ण रुपले पालना गर्न सबैलाई अनुरोध समेत गरेको छ । लक डाउनको अवस्थामा दैनिक श्रम गर्दै जीवन निर्वाह गर्ने श्रमिकहरुलाई जीवनयापन गर्न कठिनाइ हुने भएको हुँदा श्रमिकहरुलाई सहजरुपमा खाद्यान्न उपलब्ध गराउन पनि सरकारसँग आग्रह गरेको छ ।

nema
Show More

Related Articles

Check Also
Close
Back to top button