३२ जेठ, काठमाडौैँ
आजको राष्ट्रियसभाबाट कानुनमन्त्री डा.शिवमाया तुम्वाहाम्फेले पेश गर्नुभएको प्रतिनिधिसभाबाट संदेशसहित प्राप्त नेपालको संविधान दोस्रो संसोधन विद्येयक २०७७ माथि विचार गरियोस भन्ने प्रस्ताव सर्व सम्मतिले स्र्वकृत भएको छ ।
संविधान संशोधन विधेयकमाथि सैद्धान्तिक छलफलमा भाग लिदै राष्ट्रिय सभाका सांसदहरूले नेपालको अतिक्रमित भूमि फिर्ता ल्याउन वर्तमान सरकारले चालेको कदमको स्वागत गर्नुभएको छ । सासंदहरुले अब गुमेको भूमि कूटनीतिक वार्तामार्फत फिर्ता गर्नुपर्नेमा जोड दिनुभएको छ ।साथै सासंदहरुले सीमा क्षेत्रका नेपालीको सुरक्षा गर्न पनि सरकारलाई आग्ह गर्नुभएको थियो ।
सांसदहरूले सैद्धान्तिक छलफलका क्रममा उठाएका प्रश्नको जवाफ दिने क्रममा मन्त्री तुम्बाहाङ्फेले राष्ट्रियताका सवालमा सबै नेपाली दलहरू एकजुट हुन्छन् भन्ने पुष्टि भएको बताउनुभयो । उहाँले संविधान संशोधनको विषयमा भारत सरकारले टिप्पणी गर्न आवश्यक नभएको पनि बताउनुभयो । नेपाल भारतबीचको मित्रता सुमधुर हुनुपर्ने भन्दै भारतसँग सुमधुर सम्बन्ध राख्न चाहने र राखिरहने समेत उल्लेख गर्नुभयो ।
संविधान संशोधन विधेयकमा सांसदहरूबाट संशोधनका लागि ७२ घण्टाको समय दिइएको छ । उक्त समय सकिएपछि राष्ट्रिय सभामा दफावार छलफल हुनेछ र निर्णयार्थ प्रस्तुत गरिनेछ । राष्ट्रिय सभाबाट संविधान संशोधन विधेयक पास भएपछि सन्देशसहित प्रतिनिधिसभामा पठाइनेछ ।
सभामुख अग्निप्रसाद सापकोटाले प्रमाणित गरेर प्रमाणीकरणका लागि राष्ट्रपति विद्यादेवी भण्डारीकहाँ पठाइनेछ । राष्ट्रपतिले प्रमाणीकरण गरेपछि नेपालको निसान छापमा भारतीय अतिक्रमणमा परेका कालापानी, लिपुलेक र लिम्पियाधुरा समेटिएको नक्सा राखिनेछ र प्रयोगमा आउनेछ । राष्ट्रिय सभाको अर्को बैठक भोलि ११ बजे बस्ने छ ।
