ट्याक्टर दुर्घटनामा परी दुई जनाको मृत्यु

१७ साउन, काठमाडौैँ÷रोल्पाको माडी गाउँपालिकास्थित धारावाङमा ट्याक्टर दुर्घटना हुँदा दुईजनाको मृत्यु भएको छ । रोल्पाको माडी गाउँपालिका–२ घर्तीगाउँबाट ओततर्फ सिमेन्ट बोकेर जाँदै गरेको रा १ त १५०७ नंबरको ट्याक्टर दुर्घटना हुँदा दुईजनाको मृत्यु भएको हो । बुधवार साढे ८ वजे भएको सो दुर्घटनामा परेर दाङ्को तुलसीपुर उपमहानगरपालिका–७ का २७ वर्षीय चालक आशाराम चौधरी र रोल्पा गंगादेव गाउँपालिका–१ का १८ वर्षीय डम्बरबहादुर वलीको मृत्यु भएको हो । भिरालो कच्ची सडकमा अनियन्त्रित भई ट्याक्टर भिरबाट पाँचसय मिटर तल खसेको प्रहरीले जनाएको छ ।