काठमाडौं– राष्ट्रियसभामा चार वटा विषयगत समितिमध्ये ३ वटाले नेतृत्व पाएका छन्। तीनवटै समितिमा नेकपाका सांसद सभापतिको रुपमा निर्विरोध चयन भएका हुन्।
मंगलबार भएको मनोनयनमा नेकपा सांसदहरुले मात्र उम्मेदवारी दर्ता गराएपछि बुधबार उनीहरुलाई चयन गरिएको राष्ट्रियसभाले जनाएको छ ।
उक्त समितिहरु हाल ज्येष्ठ सदस्यले सञ्चानल गर्दै आएका थिए।
प्रतिपक्षी नेपाली कांग्रेसले प्रतिनिधिसभाको लेखा समितिका मात्र नेतृत्व पाउने निश्चित भएकाले राष्ट्रियसभाको चारवटै समितिमा नेकपाले पाउने सहमति भएको थियो।
