समाचार
नेपाली क्रिकेट टोली आज सिंगापुर जाँदै
नेपाली राष्ट्रिय क्रिकेट टोली आज सिंगापुर जाँदैछ । सिंगापुरमा आयोजना हुन लागेको त्रिकोणात्मक टी–ट्वान्टी क्रिकेट सिरिजका लागि टोली सिंगापुर जान लागेको हो । खेलाडीको टोली आज राति सवा १० बजे सिल्क एयरमार्फत सिंगापुर प्रस्थान गर्ने टोलीका व्यवस्थापक रमण सिवाकोटीले जानकारी दिए । सिरिजमा नेपालले टेष्ट राष्ट्र जिम्बाबेसँगै सिंगापुरसँग २–२ खेल खेल्नेछ । भोलिदेखि सुरु हुने प्रतियोगिताको पहिलो खेल नेपालले जिम्बाबेसँग खेल्नेछ । कप्तान पारस खड्काले सिरिजका लागि घोषणा गरेको टोलीमा अधिंकाश युवा खेलाडी रहेका छन् । दिपेन्द्र सिंह ऐरीलाई उपकप्तानको जिम्मेवारी दिइएको छ ।
![nema](https://bpbichar.com/wp-content/uploads/2021/02/ezgif-5-564eeda8000c.gif)