समाचार

आईसीसी अन्डर १९ विश्वकप छनोट ः नेपालद्धारा सिंगापुर २१७ रनले पराजित

काठमाडौं ÷ आईसीसी अन्डर १९ विश्वकप क्रिकेटअन्तर्गत एसिया क्षेत्र छनोट प्रतियोगिताको पहिलो खेलमा नेपालले सिंगापुरलाई २ सय १७ रनले पराजित गरेको छ।
मलेसियामा शुक्रबारबाट सुरु भएको छनोट प्रतियोगितामा नेपालले सिंगापुरलाई जितका लागि २८३ रनको लक्ष्य दिएको थियो।
जवाफमा नेपालको उत्कृष्ट बलिङसामु टिक्न नसक्दा सिंगापुर ३१ ओभरमा मात्र ६५ रनमा अलआउट भएको हो ।
सिंगापुरका लागि इशान सावनले सर्वाधिक २८ र साइ भेनु गोपालले १८ रन बनाए भने बाँकी खेलाडीले दोहरो अंकसमेत छुन सकेनन्।
नेपालको लागि पवन सर्राफले ६ ओभर बलिङ गर्दा ५ ओभर मेडन राख्दै ५ रन खर्चेर ३ विकेट लिएका थिए । यस्तै कुशल मल्ल र सूर्य तामाङले २÷ २ तथा रसिद खानले १ विकेट लिए।
त्यसअघि क्वालालम्पुरस्थित सेलाङ्गर ट्रफ क्लबमा टस हारेर पहिले ब्याटिङ गरेको नेपालले कप्तान रोहित पौडेललको अर्ध शतक मद्दतमा ४६ ओभरमा सबै विकेट गुमाएर २८२ रन बनाएको हो ।
शतक बनाउनबाट पाँच रनले चुकेका रोहितले १ सय ५ बल खेल्दै ७ चौका र एक छक्का प्रहार गरेका थिए।
पौडेललाई पवन सर्राफ, भीम सार्की, रासिद खान र कमल सिंह ऐरीले गतिलो साथ दिए। रासिद खानले ४८ रन बनाए ऐरीले ३१ रन जोडे। त्यस्तै कुशल मल्लले १० र आसिफ शेखले ८ रन को योगदान दिए ।
सिंगापुरका लागि अथर्व गुनेले सर्वाधिक चार विकेट लिए। यसैगरी राउल शर्माले २, विनित मेहताले २ र प्रमेश सांघवीले एक विकेट लिए।

nema
Show More

Related Articles

Back to top button