पाकिस्तानको बलोचिस्तानमा विस्फोट, १६ जनाको मृत्यु

इस्लामावाद, २९ चैत÷ पाकिस्तानको बलोचिस्तान प्रान्तमा बम विस्फोट हुँदा कम्तिमा १६ जनाको मृत्यु भएको छ । बलोचिस्तान प्रान्तको राजधानी क्वेटाको हजारगञ्ज इलाकाम शुक्रबार बिहान बम विस्फोट हुँदा एक प्रहरीसहित अन्य १६ जनाको मृत्यु भएको हो ।
आक्रमणमा थुप्रै मानिस घाइते भएका छन् । प्रहरीको गाडीलाई लक्षीत गरि बम विस्फोट भएको डीआईजी अब्दुल रजाक चीमाले जानकारी दिए । मृत्यु हुनेमध्ये ८ हजारा समुदायका मानिस समेत रहेका छन् । घटना पश्चात प्रहरीले अनुसन्धान तिब्र पारेको छ । आत्मघाती आक्रमण थियो या विस्फोट मात्र थियो भन्ने बारेमा अहिलेसम्म प्रमाणित हुन सकेको छैन । विस्फोट पश्चात क्वेटा शहरमा बम डिस्पोजको टोलीलाई परिचालन गरिएको छ ।