काबुलमा बम आक्रमणः दुई प्रहरीको मृत्यु

काबुल÷ अफगानिस्तानको राजधानी काबुलमा बम आक्रमण हुँदा दुई प्रहरी अधिकारीको मृत्यु भएको छ। बिहिवार भएको आक्रमणमा तीन जना घाइते छन् ।
काबुलको पञ्जसादमा रहेको एक प्रहरी चौकीलाई लक्षित गरेर सो बम आक्रमण भएको आशंका गरिएको छ। विस्फोटबाट घाइते भएका प्रहरीलाई अस्पताल भर्ना गरिएको छ ।
हालसम्म आक्रमणको जिम्मेवारी कुनै समूहले लिएको छैन्। यद्यपि, विस्फोटमा तालिबान लडाकू समूहको संलग्नता हुन सक्ने प्रहरीको अनुमान छ ।
प्रहरीले घटनाबारे थप अनुसन्धान गरिरहेको बताएको छ।
काबुलमा केही वर्षयता आतंककारी आक्रमणमा तिब्रता आएको छ । गत आइतबार पनि काबुलमा एक राजनीतिक कार्यलयमा आक्रमण गरिएको थियो। सो आक्रमणमा २० जनाको मृत्यु भएको थियो भने ५० जनाभन्दा घाइते भएका थिए।