सेनाको नयाँ विमान काठमाडौैँमा

नेपाली सेनाले इन्डोनेसियाबाट खरिद गरेको नयाँ विमान काठमाडौैँ आइपुगेको छ । इन्डोनेसियाको वेस्टजाभा बान्डुङको हुसेन सास्त्रानेगारा एअरबेसबाट उडेको विमान काठमाण्डौ आइपुगेको हो । कार्गो विमान बिहान करिव ११ बजेतिर काठमाण्डौ आइपुगेको नेपाली सेनाका प्रवक्ता सहायक रथी विज्ञानदेव पाण्डेले जानकारी दिनुभयो । सैन्य ‘ट्रान्सपोर्ट’ सुविधाका लागि सेनाले दुई वर्षअघि सीएन २३५–२२० विमान खरिद सम्झौता गरेको थियो । इन्डोनेसियाको सरकारी कम्पनी पीटी डिरागान्ताराले निर्माण गरेको विमानमा हवाई यात्रादेखि कार्गो सुविधा समेत सञ्चालन गर्न सकिने बताइएको छ । विमान निर्माण तथा खरिदका लागि सेनाले पीटीडीआईसँग करिब तीन अर्ब ३८ करोड रुपियाँमा सम्झौता गरेको थियो ।