एमसीसीबाट सहयोग लिने नलिने नेपालको आन्तरिक मामिला ः चीनियाँ राजदूत होउ

१८ पुष÷ चिनियाँ राजदूत होउ यान्छीले अमेरिकाको मिलिनियम च्यालेन्ज कर्पोरेशन (एमसीसी) बाट सहयोग लिने–नलिने विषयमा नेपालले आफै निर्णय लिनसक्‍ने बताउनुभएको छ । चिनियाँ दूतावासमा आज आयोजित पत्रकार सम्मेलनमा बोल्दै उहाँले नेपालले चीन वा अन्य कुनै एक मुलुकसँग मात्र नभई हरेक मित्रसँग सहकार्य गरेर आफूलाई माथि लैजान सक्ने बताउनुभएको हो । उहाँले नेपालको विकासका लागि अन्तराष्ट्रिय सहयोग अपरिहार्य रहेको भन्दै राजदूत यान्छीले नेपालले आफ्नो आवश्यकताअनुरुप सहयोग लिन मिल्ने बताउनुभयो । उहाँले नेपाल चीन सम्बन्धमा त्रिपक्षीय साझेदारी पनि उत्तिकै आवश्यक रहेको बताउनुभयो । पर्यटक भिसामा नेपाल आएर गैरपर्यटन काम गरेकाहरुलाई नेपाल प्रहरीले समातेकाले आवश्यक कारवाही हुने उहाँको दावी छ ।