पूर्वसञ्चारमन्त्री बाँस्कोटालाई कारवाहीको माग गदै नेविसंघद्धारा प्रदर्शन

१८ फागुन
सेक्युरिटी प्रिन्टिङ प्रेस खरिद प्रकरणमा मुछिएका पूर्व सञ्चारमन्त्री गोकुल बास्कोटालाई कारबाहीको माग गर्दै नेपाल विद्यार्थी संघ (नेविसंघ)ले काठमाडौंमा प्रदर्शन गरेको छ । नेविसंघ त्रिचन्द्र क्याम्पस इकाइले आज बिहान क्याम्पस अगाडि सरकारविरुद्ध नाराबाजी गर्दै प्रदर्शन गरेको हो । प्रदर्शनमा सहभागीहरुले सरकारले भ्रष्टाचारलाई प्रश्रय दिएको र करको भार थोपरेकोे आरोप लगाएका छन् । नेविसंघले स्ववियु निर्वाचनको कार्यतालिका तत्काल सार्वजनिक गर्न, ललिता निवास जग्गा प्रकरणको निष्पक्ष छानबिन गर्न तथा इन्धन र पुस्तकमा लगाइएको अतिरिक्त कर खारेज गर्न माग गरेको छ ।