काठमाडौँ – भारतले आफूलाई हटाउन थालेको प्रधानमन्त्री केपी शर्मा ओलीको अभिव्यक्तिप्रति नेकपाका शीर्ष नेताहरुले जवाफ मागेका छन् । भारतले हटाउन थालेको भए त्यसको प्रमाण पेश गर्न प्रधानमन्त्री ओलीलाई वरिष्ठ नेताहरुले आग्रह गरेका हुन् ।
पार्टीको स्थायी कमिटी बैठकमा अध्यक्ष पुष्पकमल दाहाल, वरिष्ठ नेताहरु झलनाथ खनाल र माधवकुमार नेपालसहित उपाध्यक्ष बामदेव गौतमले भारतले हटाउन थालेको भन्ने प्रधानमन्त्री ओलीको अभिव्यक्तिप्रति जवाफ मागेका हुन् ।