समाचार

देशैभरीका यातायात समिति कम्पनीमा रुपान्तरित

काठमाडौं, साउन ३ । देशैभरका यातायात समिति कम्पनीमा आएका छन् ।
नेपाल यातायात व्यवसायी राष्ट्रिय महासंघमा आबद्ध यातायात समिति कम्पनीमा आएका हुन् ।
महासंघले शुक्रबार रुपान्तरित यातायात सेवा सुरु गरेको जानकारी गराएको छ ।
रुपान्तरित यातायात सेवाको शुभारम्भ गर्दै भौतिक पूर्वाधार तथा यातायातमन्त्री रघुवीर महासेठले हिजोको अस्तव्यस्त यातायात क्षेत्रलाई व्यवस्थित बनाउने गरी कम्पनी ‘मोडल’मा लगेको बताएका हुन ।
उनले यातायातलाई लगानी सुरक्षित क्षेत्रसमेत बनाउन सरकार लागेको स्पष्ट पारे ।
मन्त्री महासेठले यातायात प्राधिकरण गठनसम्बन्धी कानुन बनाउन मस्यौदा एक साताभित्र संसदमा ‘टेबुल’ गर्ने पनि बताए ।
उनले यातायात क्षेत्रमा सरकारले निजी क्षेत्रसँग प्रतिस्पर्धा नगरेको भन्दै साझा यातायातमा सरकारले गरेको लगानीलाई सर्वसाधारणको सेवाका लागिमात्रै भएको बताए ।
कार्यक्रममा नेपाल प्रहरीका महानिरीक्षक सर्वेन्द्र खनालले यातायात व्यवसायीहरु स्वः नियमनमा बस्नुको विकल्प नभएको बताए ।

nema
Show More

Related Articles

Check Also
Close
Back to top button