नेपाली काँग्रेसका नेता डा. शेखर कोइरालाले प्रधानमन्त्री केपी शर्मा ओलीका सूचना प्रविधि सल्लाहकार असगर अलीलाई बर्खास्त गर्नुपर्ने माग गर्नुभएको छ । आज प्रेस विज्ञप्ति जारी गर्दै कोइरालाले प्रधानमन्त्रीका सूचना प्रबिधि सल्लाहकार असगर अलिको लगानी रहेको सिरान टेक्नोलोजीलाई कारवाही गर्न समेत माग गर्नुभएको हो ।
सिरान टेक्नोलोजीले काठमाडौ प्रेसको समाचार साईटबाट स्वास्थ्य सामग्री अनियमितता बारे लेखिएको समाचार हटाएको (ह्याक गरेको) थियो । यसलाई इंगित गर्दै कोइरालाले यो घटना प्रेस र अभिब्यक्ति स्बतन्त्रता हननको उच्चतम् र निकृष्ट नमूना भएको बताउनुभयो । सिरान टेक्नोलोजीले यस घटनाप्रति माफी मागीसकेको छ ।
अलि संलग्न रहेको कम्पनीले देशका धेरै निजी कम्पनीहरूको एप्लिकेशन बनाएको सार्बजनिक भएको प्रति कोइरालाले चिन्ता समेत ब्यक्त गर्नुभएको छ । समाचार साईट ह्याक गर्नेको हातमा २२ बटा वाणिज्य बैक र २६ बटा बित्तिय संस्थाको गेटवे हुनुले लाखौ नेपालीले आफ्नो दुख परिश्रम गरेर जम्मा गरेको अर्बौ रूपैयाको जोखिम बढाएको कोइरालाले बताउनुभयो ।
