२७ बैशाख, काठमाडौैँ
संसदको अन्तराष्ट्रिय सम्बन्ध समितिले भारतले नेपाली भूमिमा सडकको ट्रयाक बनाउन सुरु गरेको विषयमा छलफल गर्न मन्त्रीहरुलाई बोलाएको छ । भारतले नेपाली भूमि कालापानी–लिपुलेक हुँदै मानसरोवरसम्म जाने बाटो बनाउन सुरु गरेको प्रति चासो देखाउँदै संसदीय समितिले गृह, परराष्ट्र र भूमि व्यवस्था मन्त्रीलाई छलफलका लागि बोलाएको हो ।
समितिको बैठकभोलि बिहान ८ बजेका लागि बोलाइएको छ । गृहमन्त्री रामबहादुर थापा, परराष्ट्रमन्त्री प्रदीप ज्ञवाली र भूमि व्यवस्था मन्त्री पद्मा अर्याललाई सो बैठकमा उपस्थित हुन भनिएको समिति सभापति पवित्रा निरौला खरेलले जानकारी दिनुभयो । नेपाली भूमि मिचिएकोबारे सरकारको धारणा माग्न र आवश्यक निर्देशन दिनका लागि बैठक बोलाइएको उहाँले बताउनुभयो ।
भारतका गृह मन्त्री राजनाथ सिंहले हिजो नेपाली भूमि लिपुलेक कालापानीहुँदै चीनको स्वशासित क्षेत्र तिब्बतमा रहेको मानसरोवर जोड्ने सडकको उद्घाटन गरेसगैँ नेपालमा तिब्र विरोध भएको छ ।
