घर फर्किन चाहाने विदेशमा रहेका नेपालीलाई फर्काउन काँग्रेसको माग

२५ जेठ, काठमाडौैँ
नेपाली कांग्रेसले कोरोना भाइरस कोभिड १९ का कारण घर र्फकन चाहने विदेशमा रहेका नेपाली सबैलाई ल्याउन सरकारसँग माग गरेको छ ।
कांग्रेस जनसम्पर्क समिति समन्वय विभागका प्रमुख गोविन्द भट्टराईले आज विज्ञप्ति जारी गर्दै विदेशका जुकसुकै पनि कुनामा रहेका नेपालीहरुलाई आफ्नो घर र्फकन पाउने अधिकार रहेको जनाएको छ ।
तसर्थ संख्या नतोकि आउन चाहने हरेक नेपालीलाई फिर्ता ल्याउने कार्ययोजना बनाउनु पर्ने बताएको छ । विदेशमा रहेर कोरोनाका कारण रोजगारी गुमाएका र नेपाल आउने खर्च जुटाउन नसक्ने नागरिकहरुलाई सरकार आफैले खर्च गरेर भएपनि ल्याउनुपर्ने भट्टराईले बताउनुभएको छ । उहाँले विदेशबाट ल्याइएका सबैको पीसीआर विधिबाट परिक्षण गर्न र मापदण्ड अनुसारको क्वारेन्टिनमा राख्न समेत सरकार सगँ माग गर्नुभएको छ ।