समाचार

मूल्यवृद्धिको मतियार आपूर्ति मन्त्रालय र सरकार ः ज्योति बानियाँ

उपभोक्ता हित संरक्षण मञ्चका अध्यक्ष ज्योति बानियाँले मूल्यवृद्धिको मतियार आपूर्ति मन्त्रालय र सरकार रहेको आरोप लगाउनुभएको छ । काठमाडौँमा रहेको एक रेडियोसंग कुरा गर्दै ‘मन्त्रालय र व्यापारीको मिलेमतोमा कृत्रिम अभाव र कालोबजारी भएको आरोप लगाउनुभएको हो । मूल्यवृद्धि रोक्ने जिम्मा आपूर्ति मन्त्रालयको भएको र तर मन्त्रालय बजार अनुगमन नगरी व्यापारीका पक्षमा लागेको बानीयाको जिकिर छ ।
 
बजेट भाषणलगत्तै बजारभाउ करिब १५ प्रतिशत बढेको छ । अहिले सरकारी पक्षबाट बजारमा हस्तक्षेप नभए एक महिना अवधिमा ४५ प्रतिशतसम्म मूल्यवृद्धि हुन सक्ने उपभोक्ता मञ्चका अध्यक्ष बानीयाको अनुमान थियो । तर भ्याट नलाग्ने वस्तु महँगो हुनु नपर्ने उहाले बताउनुभयो । बजेटका नाममा नाजायज फाइदा उठाउदै धमिलो पानीमा माछा मार्ने काम भएको बानीयाको आरोप छ ।
बजेटको बहानामा व्यवसायीले जथाभावी मूल्यवृद्धि गरी ‘कृत्रिम महँगी’ सिर्जना गरेका छन। आफूखुसी मूल्यवृद्धिले उपभोक्ता मारमा परे पनि सरकार र सम्बन्धित निकायबाट नियन्त्रण र कारबाहीका लागि चासो देखाइएको छैन। बजेट सार्वजनिक गरिएको भोलिपल्टैदेखि व्यापारीले चामल, तरकारीजस्ता कर नबढाइएका वस्तुको भाउ अत्यधिक बढाएका छन्।

nema
Show More

Related Articles

Back to top button