काठमाडौं । नेपाली कांग्रेसका पूर्व महामन्त्री प्रकाशमान सिंहले सरकारको अलोकप्रियताका कारण जनतामा वितृष्णा बढ्दै गएको दाबी गरेका छन् ।
नेपाली महिला आन्दोलनकी अग्रणी नेतृ तथा नेपाल महिला संघकी संस्थापक अध्यक्ष मंगलादेवी सिंहको २३ औं स्मृति दिवसको अवसरमा मंगलबार काठमाडौको शोभा भगवतीमा रहेको शालिकमा माल्यापर्ण गर्दे उनले सरकारका काम जनबिरोधि भएको बताए । यस्तै जनविरोधी काम गदै गएकाले सरकारप्रति जनताको वितृष्ण बढदै गएको बताए ।
सरकारकै कारण देशमा भ्रष्टाचार मौलाउँदै गएको उनको भनाई थियो । भ्रष्टाचार नियन्त्रण भाषणमा मात्र सिमित भएको भन्दै उनले वर्तमान सरकार भ्रष्टाचारमा चुर्लुम्म डुबेको आरोपसमेत लगाए ।
सरकारले गरेका गलत कामको नेपाली काँग्रेसले संसदीय मर्यादामा रहेर प्रतिवाद गरेको सिंहको भनाई थियो ।
नेता सिंहले मंगलादेवी सिंहले नेपाली महिला आन्दोलनमा पुर्याएको योगदानको चर्चा गरे ।
कार्यक्रममा शोभा भगवतीमा रहेको लौह पुरुष गणेशमान सिंह र मंगलादेवी सिंहको प्रतिमामा माल्यार्पण गरिएको थियो ।
