एडिबीले पोखरा–मुग्लिन राजमार्गलाई १९ करोड बढी ऋण सहायता उपलब्ध गराउने

एसियाली विकास बैंक (एडिबी) ले पोखरा–मुग्लिन राजमार्गलाई चार लेनमा विस्तार गर्न १९ करोड ५० लाख ऋण सहायता उपलब्ध गराउने भएको छ । अहिले रहेको दुई लेनको राजमार्गलाई चार लेनमा रूपान्तरण गर्न एडिबीले ऋण दिने भएको हो । सरकारले यो राजमार्गमा पाँच अर्ब ९० करोड लगानी गर्ने तयारी गरेको हो । नेपालको आर्थिक विकासमा महत्त्वपूर्ण योगदान गर्ने राजमार्गको स्तरोन्नति अपरिहार्य भएकाले ऋण रकम स्वीकृत गरेको एडीबीले विज्ञप्तिमा जारी गरेर जानकारी दिएको छ । राजमार्गको ८१ किलोमिटर पोखरा–आबुखैरेनी सडक पहिलो चरणमा विस्तार र आठ किलोमिटर आबुखैरनी–मुग्लिन खण्ड दोस्रो चरणमा निर्माण गर्ने लक्ष्य राखिएको छ । उत्त राजमार्गको काम आगामी ५ वर्षभित्रमा सम्पन्न गर्ने लक्ष्य छ ।