सांसद उठाउनेलाई कारबाहीको प्रतिक्षामा मुलुक रहेको काँगे्रसको भनाई

१२ बैशाख, काठमाडौैँ
प्रमुख प्रतिपक्षी नेपाली कांग्रेसका प्रवक्ता विश्वप्रकाश शर्माले अपहरण शैलीमा सांसद उठाउने कर्ममा संलग्नलाई कारबाहीको प्रतीक्षामा मुलुक रहेको बताउनुभएको छ । सरकारलआज गत सोमबार जारी भएका दुवै अध्यादेश फिर्ता लिने निर्णय गरेलगत्तै उहाँले ट्विट गरेर सांसद ‘अपहरण’ मा संलग्न नेपाल प्रहरीका पूर्वमहानिरीक्षक सर्वेन्द्र खनाल, सांसदद्वय महेश बस्नेत र किसान श्रेष्ठमाथि कारबाहीको प्रतीक्षा भइरहेको बताउनुभएको हो ।
 
उहाँले अध्यादेश फिर्ता लिएर सरकारले गल्ती सच्याएको भन्दै उहाँले प्रधानमन्त्री केपी शर्मा ओलीलाई अब सम्पूर्ण ध्यान र शक्ति कोराना भाइरसविरुद्धको संघर्षमा केन्द्रित गर्न आग्रह गर्नुभयो । नागरिकको जीवन जोगाएपछि फुर्सदमा राजनीतिक विवाद गर्न सकिने शर्माको भनाइ छ । यसअघि आज नेविसंघले अध्यादेश फिर्ताको माग गदै देशभर प्रदर्शन गरेको थियो ।